REMBULAN
O
kijenan –kandhane
anakku wedok
, jebule rembulan
kuwi bunder
ora ki, rembulan kuwi pucet
madhangi jagad –belane si adhi
nanging rembulan wis ora suci
gelung rusak kendho tapihe
sansaya dina mung ngandelake
pupurane –sing gedhe nengahi
yen ngono luhur jiwane
jangkahe mecaki wengi
ijen tanpa meri
marang lintang-lintang
kang luwih dhuwur panggonane
-alembanane nyaiku
yen ngono rembulan kuwi ?
landhep panyawang kuwi manah atiku
(apa isih kudu didedawa maneh
kahanane rembulanku
yaiku cangkriman lan bebasan
nalika pangalembana lan undhamana
saur manuk njaluk kawigaten ?)
purnama – 1995
Tidak ada komentar:
Posting Komentar