M
bok…! Anggonku lelayaran prauku kandhasNeng samodra lakuku kelangan pandom
Wilah cilik kayu gapuk gampang coklek
Mangka ombaking Samodra sawangane nggegirisi
Aku wedi mbok, aku trima bali… bali wae
Pelabuhanmu tak rasa edhum lan ayem
Ora tau ana rasa uwas lan kuwatir
Kekebanmu mbok, isis kaya angin sumilir
Geneya aku wingi nekad nggebyur datan mikir
Ora krasa mbok, jebul prauku numbuk karang
Katone endah ning jebule neng ati kumrangsang
Kleru lan luput kabeh apa sing tak gadhang
Neng rangkulanmu mbok, angler tur cedhak kadang
Simbok, tumprapku payung agung ing alam padhang
Apuranen ya mbok, jangkahku sing keplengkang
Tuntunen terus aku ben nemu dalan njingglang
Urip tentrem ing tengahing biyung lan kadang
Sumber : Penjebar Semangat
Tidak ada komentar:
Posting Komentar